Dwar | Il-Missjoni, l-Istorja u l-Ħidma fl-Arti Inklużiva

Opening Doors taħdem fil-qasam tal-eċċellenza artistika, l-aċċess, u l-promozzjoni.

Aħna nemmnu li artisti b’diżabilità intelletwali għandhom ikollhom l-istess opportunitajiet għat-taħriġ, għall-produzzjonijiet, u għall-iżvilupp tal-prattika artistika tagħhom bħal kull artist ieħor.

Għalhekk qed nibnu l-istrutturi biex dan it-twemmin isir realtà.

Group of people wearing blue shirts, smiling, and talking at an indoor event.

Il-Missjoni Tagħna

Opening Doors toħloq opportunitajiet għal adulti b’diżabilità intelletwali biex jipparteċipaw fl-arti, jiżviluppaw il-potenzjal kreattiv tagħhom, u jikontribwixxu b’mod sinifikanti fis-settur kulturali.

Nagħmlu dan billi niffukaw fuq erba’ oqsma ewlenin.

Nipprovdu Aċċess għat-Taħriġ u għall-Prattika fl-Arti Performattiva

Nipprovdu taħriġ u opportunitajiet ta’ produzzjonijiet fil-mużika, fl-iżfin, u fit-teatru, kemm f’Malta, u kif ukoll barra minn Malta.

Noħolqu Opportunitajiet Artistiċi

Noħolqu opportunitajiet għall-produzzjonijiet u kollaborazzjoni li jirriflettu u jappoġġjaw il-bżonnijiet, l-ideat, u l-viżjonijiet artistiċi tal-artisti tagħna.

Ngħollu l-Profil tal-Artisti b’Diżabilità

Aħna nisfidaw preġudizzji u suppożizzjonijiet fis-settur kulturali u nassiguraw l-ugwaljanza fir-rikonoxximent u fl-opportunitajiet għal kull artist.

Niffaċilitaw Kollaborazzjoni Internazzjonali

Aħna nappoġġaw l-iskambju ma’ artisti u organizzazzjonijiet fl’ Ewropa biex inwessgħu l-orizzonti u nsaħħu l-iżvilupp professjonali tal-membru tagħna.

L-Istorja Tagħna

Opening Doors ilha tibni xi ħaġa mill-2008. Mhux sempliċement organizzazzjoni – imma moviment. Hawn huma l-mumenti li ffurmawna.

2008 Fejn Beda Kollox Idea waħda biss: persuni adulti b'diżabilità intellettwali jixirquilhom spazju reali fit-teatru. Inizjat minn Spazju Kreattiv flimkien ma' Lou Ghirlando u Toni Attard fiċ-Ċentru Kreattiv tal-Kavallieri ta' San Ġakbu, il-proġett nieda bħala parti minn sħubija Ewropea. Madwar erbatax-il membru fundatur bdew jesploraw id-drama permezz tal-moviment u l-improvizzazzjoni.

2010 L-Ewwel Prestazzjoni L-ewwel grupp tat-teatru tala' fuq il-palk bil-produzzjoni L-Iljun Ikkonvertit f'Marzu tal-2010 – l-ewwel mument pubbliku ta' dak li kellha ssir Opening Doors.

2012 Stabbilita Formalment Opening Doors saret organizzazzjoni volontarja rreġistrata (VO/0664), li topera fuq livell nazzjonali bħala għaqda awtonoma u mhux bi skop ta' qligħ, iddedikata għall-parteċipazzjoni artistika. Aldith Gauci kienet assumiet ir-rwol ta' Direttur Artistiku, wara li mexxiet ix-xogħol b'mod volontarju matul is-sena ta' tranżizzjoni.

2014–2015 Tkabbir tad-Dixxiplini Iż-żfin wasal fl-2014 taħt id-direzzjoni ta' Sandra Mifsud. Il-mużika segwiet fl-2015 taħt Luke Baldacchino, bl-appoġġ tal-Voices Foundation – fejn saret prestazzjoni pubblika għall-ewwel darba f'Jum Dinji tad-Diżabilità, fit-3 ta' Diċembru 2015. Opening Doors ma baqgħetx biss teatru.

40 Membri llum

6 Gruppi attivi

17 Sena u nkomplu ngoddu

2018 Sena Storika Valletta 2018, Kapitali Ewropea tal-Kultura. Il-Premju għall-Arti għall-Aħjar Proġett fil-Komunità. Prestazzjonijiet internazzjonali f'Leeds. Ktieb ippubblikat. Rikonoxximent nazzjonali. Lwien internazzjonali. Ix-xogħol kien qed jidher.

2020 Kreattività Permezz tal-Kriżi Il-COVID-19 poġġiet lil kulħadd taħt prova. Opening Doors mxiet bil-programm tagħha onlajn għal aktar minn tmintax-il xahar – u ma waqfitx. Films, prestazzjonijiet bil-vidjo, u ambizzjoni artistika ġdida bdew jieħdu l-forma.

2021 Rikonoxximent Professjonali Il-membri ġew rikonoxxuti u rremunerati bħala l-artisti professjonali li huma – mhux bħala ġest ta' karità, iżda bħala standard. Bdiet sħubija ta' ħames snin mal-Festival Internazzjonali tal-Arti ŻiguŻajg.

2021–2025 Palks Akbar Membri ħadu rwoli ewlenin f'Notte Bianca, fejn ġabu l-inklużjoni quddiem udjenzi kbar tal-festivals u għamlu x-xogħol viżibbli fuq skala akbar.

Illum Nibnu l-Futur Flimkien Imexxija mid-Direttur Artistiku Rachel Calleja u ċ-Chairperson Michael Fenech, Opening Doors tkompli tibni fuq il-pedamenti b'saħħithom tagħha filwaqt li tħares b'kunfidenza lejn il-futur. Il-vuċijiet, il-bżonnijiet, u l-ambizzjonijiet kreattivi tal-artisti ta' Opening Doors jibqgħu fil-qalba ta' kollox – b'kollaborazzjonijiet li qed jikbru kemm lokalment kif ukoll internazzjonalment. 40 membru. 6 gruppi. Żewġ programmi msieħba. Pjattaforma li qed tikber għall-arti inklużiva f'Malta u madwar l-Ewropa.

X’Jgħidu l-Membri Tagħna

“Opening Doors tagħtini l-opportunità biex nesprimi ruħi bil-mużika. Tgħini nagħmel ħbieb ġodda u ngħaddi żmien magħhom u fuq il-palk. Eċitat ħafna għat-term il-ġdid.” Mark Zammit Cutajar Membru

Mark Zammit Cutajar

Membru

Jordan Farrugia

Membru

Andreas Schembri

Membru

Benjamin Grech

Membru

Ma’ Opening Doors, il-parteċipazzjoni fl-arti mhijiex privileġġ - hija dritt. Dritt li nintegraw f’kull sessjoni tat-taħriġ, kull prova, u kull produzzjoni.

B’xogħolha, Opening Doors tippromwovi l-inklużjoni, il-kapaċità kreattiva, u l-eċċellenza artistika. Il-membri tagħna jiddeskrivu l-esperjenza tagħhom bħala tkabbir fil-ħiliet tagħhom, kunfidenza, ferħ, kollaborazzjoni, viżibilità, sens ta’ appartenenza, u ta’ opportunità - riżultati li jirriflettu żvilupp kemm personali kif ukoll fl-arti professjonali.

Two women, one in a red shirt and the other in a blue shirt, smiling and extending their arms forward on a stage with a black curtain background.

A woman with a scarf around her neck holding a clock and performing on stage with children watching in the background.

People dressed in white protective suits and masks are performing a dance or demonstration on stage with a backdrop of Earth and space projected behind them. An audience is watching in the dark.

Five people in a line performing a dance or exercise on a stage with black curtains, with a paper hat on the floor in front of them.

Group of diverse people on stage celebrating, raising hands, smiling, and sharing a joyful moment together.

People in white lab coats and glasses are in a dark room with a large digital display of Earth from the Moon, creating a space or science-themed environment.