Xogħolna ma jistax ikun possibbli mingħajr l-appoġġ tal-benefatturi u patruni tagħna.
Opening Doors ma jistax jeżisti mingħajr l-appoġġ ġeneruż tal-benefatturi tagħna, fejn l-impenn tagħhom lejn l-aċċess, l-opportunità, u l-iżvilupp kreattiv jgħinna inrawmu t-talent kif ukoll inneħħu barrieri għall-parteċipazzjoni. Il-kontribut tagħhom jgħinna noħolqu opportunitajiet għall-artisti kif ukoll għall-udjenzi tagħna. Jekk tixtieq tappoġġja xogħolna u tkun parti fil-ħolqien tal-opportunitajiet fil-futur, żur il-paġna tagħna Involvi Ruħek biex tara kif tista tikontribwixxi.
Arts Council Malta ilu jappoġġja lil Opening Doors Association għal ħafna snin, permezz ta’ fondi bħall-iskema tal-Investiment fl-Organizzazzjonijiet Kulturali (ICO) kif ukoll permezz tal-Premju tal-President għall-Kreattività. Din il-kollaborazzjoni kontinwa tippermettilna nkomplu inkabbru l-klassijiet tal-mużika, tat-teatru, u tal-iżfin, kif ukoll nsaħħu l-proċessi interni tagħna, u b’hekk nibdnu pedament b’saħħtu għal xogħol sostenibbli u għall-futur tal-organizzazzjoni.
Kunsill Malti Għall-Arti
Skema għal-Proġetti għall-Organizzazzjonijiet Volontarji (VOPS)
Skema għal-Proġetti għall-Organizzazzjonijiet Volontarji (VOPS), hija inizjattiva ta’ appoġġ amministrata mill-Kunsill Malti għas-Settur tal-Volontarjat, li pprovdiet lil Opening Doors bi grant li għenet il-produzzjoni tagħna Visible Voices. Dawn il-fondi jikkontribwixxu ukoll għall-iżvilupp tal-materjal fotografiku u tal-medja, li jntużaw fil-komunikazzjoni pubblika tagħna, kif ukoll għall-iżvilupp ta’ websajt ġdida, u għenu biex inżidu il-viżabilità u l-għarfien pubbliku dwar Opening Doors.
The Melita Foundation tappoġġja lil Opening Doors bħala sponsor tal-klassi ta’ kull ġimgħa, Music Level 1. Il-kontribuzzjoni tagħhom tippermettilna nipprovdu sessjonijiet regolari tal-mużika lill-membri tagħna, u niżguraw opportunitajiet kontinwi għall-iżvilupp tal-ħiliet mużikali għall-membri tagħna, biex ikomplu jesprimu l-kreattività tagħhom.
The Melita Foundation
APS Bank tappoġġja lil Opening Doors bħala sponsor tal-klassi ta’ kull ġimgħa, Music Level 2. Il-kontribuzzjoni tagħhom tippermettilna nżommu dan il-programm għaddej b’mod sostenibbli, fejn nkomplu nipprovdu aċċess għall-edukazzjoni tal-mużika u opportunitajiet kreattivi għall-membri tagħna
APS Bank
Spazju Kreattiv kien parti integrali mill-vjaġġ ta’ Opening Doors minn meta nfetħu l-bibien tagħna, fejn kellu rwol ewlieni fit-twaqqif tal-organizzazzjoni bħala parti minn proġett Ewropew fejn Opening Doors seta’ jibda. Spazju Kreattiv minn dejjem għen billi offra spazju għal diversi attivitajiet, inkluż is-sessjonijiet ta’ kull ġimgħa ta’ Theatre Level 1 u 2, diversi programmi oħra, u Arts Ability Weekend. Spazju Kreattiv jibqa’ sieħeb importanti u fit-tul fl-iżvilupp tagħna.
Spazju Kreattiv
Alison White Dance Studios
Alison White Dance Studios - Grazzi għall-patroċinju ġeneruż ta’ Alison White, Opening Doors jista’ jipprovdi l-klassijiet ta’ Dance Level 2 f’Alison White Dance Studios. Kull nhar ta’ Tlieta, il-membri tagħna jipparteċipaw fil-klassijiet tal-ballet, immexxija minn Dame Alison White nnfisha.
School of Performing Arts (SOPA)
School of Performing Arts (SOPA) tipprovdi lil-Opening Doors spazju għal taħriġ u prattika ta’ kull ġimgħa. Dan l-appoġġ huwa essenzjali biex inkunu nistgħu nipprovdu programmi u attivitajiet regolari. L-ispazju fiżiku jippermettilna noffru taħriġ kontinwu lill-membri tagħna.
Teatru Manoel huwa kollaborattur bikri ta’ Opening Doors, fejn jappoġġja spazju u opportunitajiet għal skjambu artistiku u involviment tal-artisti. Il-fiduċja u l-kollaborazzjoni tagħhom ikomplu jipprovdu spazji sinifikanti għall-iżvilupp kreattiv u l-prattika inklużiva artistika.
Teatru Manoel
Aċċess, opportunità, u kreattività
Mhux bil-kliem biss - imma bil-prinċipji li jiggwidaw ix-xogħol tagħna, ir-raġuni għaliex Opening Doors jibqa’ jrawwem it-talent, jiftaħ il-bibien, u joħloq toroq ġodda.
Ma stajniex nimxu waħedna.
Wara kull proġett hemm ġemgħa sħiħa ta’ organizzazzjonijiet, istituzzjonijiet, u individwi li jemmnu fil-potenzjal tal-artisti kollha - u fid-dritt tagħhom biex jipparteċipaw b’mod sħiħ fl-arti.
L-appoġġ tiegħek jibni l-futur tagħna!
Mill-ikkummissjonar ta’ produzzjonijiet, sal-iżvilupp ta’ taħriġ inklużiv, l-isponsors u l-imsieħba tagħna jgħinu biex kull idea issir realtà. Jekk tixtieq tinvolvi ruħek fit-tiswir ta’ opportunitajiet għall-artisti fil-futur, ara kif tista tappoġġja x-xogħol tagħna.