Il-membri tagħna huma l-qalb u l-ispirtu ta’ Opening Doors.
Aħna kburin li nappoġġjaw lil aktar minn 35 membru fil-vjaġġ tagħhom fl-arti performattiva. Minn dawk li jieħdu sehem biex issemmgħu leħinhom sa dawk li jsegwu l-arti b’mod professjonali, Opening Doors taħdem bħala alleat biex tiżgura li t-taħriġ ikun aċċessibbli u li qed jinħolqu opportunitajiet ta’ prestazzjoni fix-xena artistika lokali. Il-membri tagħna jġibu magħhom firxa wiesgħa ta’ talent, interessi u ambizzjonijiet. Aħna naħdmu flimkien magħhom bħala artisti u kollaboraturi.
Jekk int interessat li taħdem ma' jew tikkummissjona artist, jekk jogħġbok ikkuntattjana.
Denise Camilleri: Denise Camilleri, 38, ilha membru ta’ Opening Doors għal żmien twil, u ngħaqdet mal-Bord tad-Diretturi fl-2025, fejn tirrappreżenta lill-membri kollegi tagħha. Għandha passjoni għall-arti performattiva, u tħarrġet fil-ballet, ħadmet bħala attriċi f’serje tat-TV, u tipparteċipa b’mod regolari fi produzzjonijiet ta’ ODA, inkluż fi prestazzjoni f’Leeds. Ħadet l-edukazzkoni tagħha fl–iskola San Anton, u għandha Ċertifikat tal-ECDL. Denise dilettanta ta’ xogħol biċ-ċeramika, tal-mużika, tat-teatru, u tal-futbol.
Angela Bettoni: Angela hija żeffiena, attriċi, kittieba, u promotriċi bis-Sindromu Down. Ix-xogħol tagħha jgħaqqad it-taħriġ artistiku, il-promozzjoni tad-diżabilità, u l-kollaborazzjoni internazzjonali. Għandha BA fl-Arti Kreattivi (MCAST,) bit-teżi: Representation for people with learning disabilities in the performing arts in Malta. Angela għandha ukoll Advanced Diploma in Performing Arts (MCAST) u Diploma in Community Access for Disabled People (Università ta’ Malta). Matul l-iżvilupp artistiku tagħha kellha taħriġ kif ukoll opportunitajiet għal performances internazzjonali f’Berlin, Colombo, Venezja, Londra, l-Iżvezja u Greċja.
Essien Mifsud: Essien Mifsud iħobb iqatta’ il-ħin mal-ħbieb u l-familja tiegħu, u joħloq memorji sbieħ magħhom. Il-mużika u t-teatru mużikali huma parti importanti fil-ħajja tiegħu. Ilu parti ma’ Opening Doors għal dawn l-aħħar snin, fejn tgħallem ħafna, kiber fil-kunfidenza, u skopra talenti ġodda. Essien iħobb jitgħallem ħiliet ġodda, jaffaċja sfidi, u jiżviluppa b’modi personali kif ukoll b’mod artistiku.
Nigel Tanti: Nigel għandu 20 sena, u jikkomunka b’mod limitat. Hu jħobb il-mużika u l-arti. Nigel hu persuna dħulija u ferriħija. L-ispirazzjoni tiegħu hija l-mużika. Hu jħobb jagħmel affarijiet fejn jieħu gost, bl-għajnuna sakemm jidra r-rutina.
Jordan Farrugia:Jordan għandu 22 sena. Iħobb ħafna l-mużika, u l-band favurita tiegħu hija Queen. Iħobb ikanta speċjalment il-kanzunetti ta’ Freddie Mercury. Jordan iħobb ukoll l-arti u l-fotografija. Hu jħobb jissoċjalizza, jiekol barra, u jħobb jgawdi platt tajjeb tal-karbonara. Jordan iħobb jivjaġġa u jitgħallem dwar kulturi differenti u lingwi ġodda.
Justin Spiteri: Justin Spiteri jattendi il-grupp tat-teatru, u ħa sehem f’diversi produzzjonijiet ta’ Opening Doors, inkluż fil-festival ŻiguŻajg.
Daniel Dimech: Daniel Dimech għandu 20-il sena u jattendi iċ-Ċentru tar-Riżorsi fil-Wardija. Hu jisma’ l-mużika kuljum, u l-kantant favorit Malti tiegħu hu Aidan Cassar. Hu jħobb il-mużika rock u l-banda favurita tiegħu hija “Queen”. Meta jisma’ l-mużika, iħossu kalm u kuntent. Daniel iħobb jiżfen u jirreċta u jħossu kuntent meta jkun fuq il-palk. Fil-ħin liberu tiegħu, Daniel iħobb jagħmel diamond painting u jiddisinja l-kartolini, li tagħhom għandu kollezzjoni estensiva.
Karl Florian: Karl Florian għandu 21-il sena u bħalissa jattendi il-grupp ta’ żfin.
Matteo Valentino: Matteo għandu 18-il sena. Hu soċjevoli u jħobb jiltaqa’ man-nies u jagħmel ħbieb ġodda. Hu jħobb kwalunkwe tip ta’ arti, il-mużika, it-tpinġija, jew l-iżfin. Matteo iħobb iżomm ruħu attiv u dejjem fuq tiegħu, speċjalment fl-għawm u fil-baskitbol. Matteo hu ġuvni determinat minkejja li għandu kundizzjoni newroloġika. Matto jieħu gost jesprimi ruħu bl-Arti Performattiva.
Sylvana Cassar: Sylvana Cassar is 48 years old and lives in Qormi. She started dancing with Alison White when still very young. She obtained certificates in Classical Ballet, Tap Dancing and Contemporary Dance. She joined Opening Doors Dance Group and is now taking Level 2 Ballet and Dance . She enjoys the classes and always looks forward to the annual end of year performance. Sylvana has made new friends since joining Opening Doors and regularly takes part in all activities organised for members.
Peter Fenech: Peter ingħaqad mal-grupp tal-iżfin ta’ Opening Doors fl-2013. Peter tħarreġ ma’ diversi għalliema stabbiliti u biex ikompli jiżviluppa stil ta’ moviment uniku, emozzjonali, u enerġetiku. Hu ħadem fuq diversi proġetti artistiċi ma’ artisti stabbiliti Maltin. Peter ħa sehem fil-produzzjoni, ‘Is-Siġra tat-Tin’. Peter beda jagħti wirjiet ma’ grupp tal-abbilitajiet imħallta fil-produzzjonijiet annwali f’ŻiguŻajg Festival mil-2021 ‘il quddiem.
Mark Zammit Cutajar: Mark ilu parti mit-tim Malti tal-iSpecial Olympics għal aktar minn 20 sena, u kkompetta f’żewġ edizzjonijiet tal-Logħob Dinji fiċ-Ċina u fil-Greċja, kif ukoll f’tournaments Ewropej, fejn rebaħ midalji tad-deheb, tal-fidda, u tal-bronż fl-għawm. Bħalissa għadu parti mat-tim nazzjonali u jittrenja b’mod regolari. Mark ilu parti minn Opening Doors għal 10 snin u ħa sehem f’żewġ produzzjonijiet ta’ ŻiguŻajg u fil-produzzjoni Snowglobe.
Hannah Micallef: Hannah Micallef għanda 23 sena u hija artista b’ħafna talenti u promotriċi kburija li tirrapreżenta lilha nnfisha u l-komunità tas-Sindromu Down. Ilha titħarreġ ma’ Masquerade Malta għal 10 snin, fejn kisbet ċertifikati tat-tielet livell fl-irreċtar, u fis-seba’ livell fit-Teatru Mużikali ma’ Trinity of London. Mill-2021, Hannah ħadmet ma’ Opening Doors fid-drama u fl-iżfin, u ħadet sehem f’Notte Bianca (2024). Hi tkanta ukoll ma’ La Voix Studios, fejn kisbet it-tieni post f’kompetizzjoni fil-Maċedonja fl-2025. Hannah tipprattika wkoll l-acro dance. Reċentement, fl-ewwel Suq tal-Milied tagħha, biegħet ix-xogħol kollu tal-arti viżwali tagħha.
Maria Gauci: Maria Gauci bdiet titħarreġ fl-eta ta’ sitt snien fil-ballet, il-jazz, it-tap, u l-iżfin Spanjol. Fl-2014, ingħaqdet ma’ Opening Doors Association, fejn kompliet titħarreġ fl-iżfin kontemporajnu. Ħadet sehem f’bosta avvenimenti internazzjonali. Bl-għajnuna tal-premju Artivisti fl-2018, Maria speċjalizzat fit-teatru mużikali u kollaborazzjonijiet professjonali. Mill-2020, bdiet tieħu sehem regolarment f’ŻiguŻajg festival, fosthom Planet Much N’ Stuff. Il-film kollaborattiv tal-iżfin tagħha, Meet Me, rċieva tifħir internazzjonali, u ġie ppreżentat fil-festival prestiġjuż FIDanzCa, il-Messiku.
David Bezzina