Opening Doors joħloq spazji għall-kreattività, il-kollaborazzjoni, u l-prestazzjoni.
Aħna noffru l-adulti b’diżabilità intelletwali opportunitajiet biex jitħarġu, jiskorpu, u jġeddu l-esperjenza tagħhom fi programmi u produzzjonijiet ta’ mużika, żfin, u teatru - f’Malta, kif ukoll barra minn Malta. Opening Doors toħloq aċċess għal arti performattiva bi prattiċi artistiċi li jħarsu il-benesseri tal-individwu, kif ukoll li jħeġġu it-tkabbir professjonali. Aħna ngħinu l-artisti fl-iżvilupp tal-ħiliet, il-kunfidenza personali, u l-vuċi tagħhom, b’taħriġ professjonali, bix-xogħol fl-ensemble, u bil-produzzjonijiet pubbliċi.
Żfin
Taħriġ fl-iżfin, produzjonijiet, u esplorazzjoni kreattiva għall-artisti adulti.
Sessjonijiet kull ġimgħa f’SOPA u Alison White Dance Studios fuq l-iżvilupp ta’ ħiliet, provi, u ko-kreazzjoni ta’ produzzjonijiet teatrali.
Mużika
Taħriġ fil-mużika, wirjiet f’ensemble, u prattika kreattiva għal artisti adulti.
Sessjonijiet kull ġimgħa f’SOPA, taħriġ fil-ħiliet mużikali, l-improvvizzazzjoni, il-ko-kreazzjoni, u preparament għal-wirjiet pubbliċi.
Teatru
Taħriġ fit-teatru, produzzjonijiet teatrali u kollaborazzjoni kreattiva għall-artisti adulti.
Sessjonijiet kull ġimgħa fi Spazju Kreattiv. Taħriġ fil-ħiliet teatrali, u ko-kreazzjoni ta’ produzzjonijiet teatrali.
Il-Laboratorji Kreattivi twieldu mix-xewqa tal-membri tagħna li jaħdmu aktar flimkien u jikkollaboraw ma’ gruppi u artisti oħra f’oqsma interdixxiplinarji differenti. Dan l-ispazju jipprovdi lill-membri ambjent fejn jistgħu jesperimentaw, jikkollaboraw, u joħolqu flimkien. Dawn il-laboratorji jinkoraġġixxu t-tagħlim bejn il-pari, il-kollaborazzjoni interna u esterna, u l-iżvilupp ta' tmexxija kreattiva. Il-membri jesploraw ideat ġodda, jirfinaw il-vuċi artistika tagħhom, u jiżviluppaw proġetti li jirriflettu l-esperjenzi tagħhom – kollha taħt saqaf wieħed. Bl-appoġġ tal-għotja ICO mill-Kunsill Malti għall-Arti, dawn il-laboratorji jiffukaw fuq:
Laboratorji Kreattivi
-
L-ewwel sena tiffoka fuq it-trawwim ta' kollaborazzjoni interna u prattika interdixxiplinarja bejn l-artisti u l-membri tagħna, filwaqt li nespandu l-prattika tagħna billi naħdmu flimkien bl-użu tar-riżorsi kollha tagħna fil-mużika, iż-żfin u t-teatru.
-
It-tieni sena tiffoka fuq li nlaqqgħu il-komunità tagħna flimkien permezz ta' approċċi ġodda u kollaborazzjoni ma' artisti lokali u internazzjonali li jistgħu jespandu l-prattika tagħna.
-
It-tielet sena tagħti s-setgħa lill-membri biex jieħdu f’idhom t-tmexxija fil-ħolqien u l-preżentazzjoni ta' xogħlijiet oriġinali, b'appoġġ imfassal skont il-kapaċità u s-saħħiet ta' kull persuna, biex niżguraw li l-idejat ta' kulħadd isiru parti minn ħaġa waħda maħluqa flimkien.
Programmi ma' Sħab
Opening Doors jaħdem ukoll ma' organizzazzjonijiet ewlenin biex jespandi l-opportunitajiet u l-eċċellenza fl-arti kollha:
Sessjonijiet Kreattivi Online
Permezz tal-kollaborazzjoni tagħna ma' Stepping Stones (UK), il-membri jiksbu l-opportunità li jingħaqdu ma' sessjonijiet onlajn li jgħaqqdu l-moviment kreattiv u l-esplorazzjoni tal-letteratura ma' artisti oħra mir-Renju Unit.
Stepping Stones Creative huwa sieħeb kollaborattiv ibbażat f'Salford, l-Ingilterra, li juża l-arti biex jappoġġja l-iżvilupp kreattiv u edukattiv ta' individwi b'diżabilità fit-tagħlim.
Barra minn hekk, l-organizzazzjoni toffri sessjonijiet kollaborattivi ta' moviment online li jinvolvu parteċipanti kemm minn Malta kif ukoll mill-Ingilterra.
Qed jiġu żviluppati wkoll rabtiet ta' sħubija ma' Salford Dance fl-Università ta' Salford. Stepping Stones Creative u Opening Doors bħalissa qed jesploraw modi kif jiżviluppaw aktar din il-kollaborazzjoni permezz ta' programm pilota ta' esperjenza ta' xogħol internazzjonali għal studenti taż-żfin tal-Università ta' Salford li jixtiequ jtejbu l-prattika taż-żfin inklużiva tagħhom.
Ballet
Permezz tal-patroċinju ġeneruż tagħha, Dame Alison White tipprovdi lill-membri ta' Opening Doors sessjonijiet tal-ballet kull ġimgħa immexxija personalment minnha.
Dawn il-kollaborazzjonijiet isaħħu l-impenn tagħna għall-aċċessibbiltà, l-iżvilupp artistiku, u esperjenzi kreattivi sinifikanti għall-parteċipanti kollha. Jekk tixtieq tikkollabora magħna fuq il-ħolqien ta' programm bi sħab – ikkuntattjana!
Produzzjonijiet
Mill-2010 ’l hawn, Opening Doors ippreżenta xogħol fit-teatru, żfin, mużika, u oqsma interdixxiplinarji li jirriflettu l-kreattività u l-vuċijiet tal-membri tagħna. Punti ewlenin jinkludu kummissjonijiet mill-Festival ŻiguŻajg, Notte Bianca, Malta Spring Festival, Valletta 2018, kif ukoll tours internazzjonali.
ArtsAbility Weekend
Kull Diċembru, Opening Doors jiċċelebra l-Jum Internazzjonali tal-Persuni b'Diżabbiltà b'wirjiet u workshops inklużivi. Kull sena tvarja, iżda dan il-weekend kien il-post fejn twieled il-grupp tal-mużika tagħna u serva bħala pjattaforma għal wirjiet, flashmobs, workshops u diskussjonijiet.
Fl-2025, ArtsAbility kien iffinanzjat minn Culture Venture u ntuża bħala pjattaforma għal laboratorji kreattivi ma' artisti kollaboraturi f'dixxiplini ġodda. Dan kien jinkludi workshop ma' Luke Saydon fit-teatru mużikali, Kurt Buttigieg fil-ħolqien ta' ħoss diġitali, Christel Elsayah fil-produzzjoni tal-films, u workshop fiċ-ċelebrazzjoni tal-moviment immexxi mill-membru ta' Opening Doors Angela Bettoni flimkien mal-artist tal-ħoss Luca Selvaggi.
Outreach Edukattiv
Opening Doors jestendi l-impatt tiegħu permezz ta' workshops, taħditiet, u konferenzi:
- Workshops fl-iskejjel u fil-komunità.
- Sessjonijiet ta' żvilupp professjonali u taħriġ CPD.
- Konferenzi u kollaborazzjonijiet akkademiċi kif ukoll placements fuq l-inklużjoni, l-aċċessibbiltà, u l-arti.
Dawn il-programmi jibnu l-għarfien, irawmu prattika inklużiva, u jgħaqqdu parteċipanti u professjonisti madwar Malta u lil hinn.
